Сыр Медиа

Қазақстан Республикасының Конститутция күні мерекесіне орай Қызылорда облысы бойынша ҚАЖ департаменті ЗК-169/1 мекемесі басшылығының ұйымдастыруымен шағын футболдан спорттық сайыс өтті.

Спорттық шараның мақсаты – қызметкерлер арасында салауатты өмір салтын насихаттау, достық пен патриоттыққа шақыру.

Сайыс Қазақстан Республикасы Мемлекеттік гимнімен басталды. Мекеме бастығы, әділет подполковнигі А.Тасқараев қызметкерлерді мерекемен құттықттап, жарысқа қатысушыларға сәттілік тіледі. Мұнан соң аталған департаменттің ардагерлер кеңесінің төрағасы С.Жамуров және ардагерлер кеңесі мүшесі Л.Шабаев мерекелік лебіздерін білдірді.

Сергектікті серік еткен жеке құрам қызметкерлері 7 команда жасақтап, спорттың шағын футбол түрінен бақтарын сынады. Спорт пен дене тәрбиесінің адамның денсаулығын сақтауда, қоғамда саламатты өмір салтын қалыптастыруда қаншалықты маңызды рөл атқаратыны бәрімізге мәлім. Бұқаралық спортты дамыту, денешынықтыру мен спорт мемлекеттің айрықша назарында.

Спорттық шара аса тартысты өтті. Ойын барысында командалар мықтылықтарын, ептіліктері мен ұйымшылдықтарын көрсете білді. Сайыстың қорытындысы бойынша жеңімпаздарға арнайы дипломдар табысталса, қатысушы командалар түрлі номинациялар бойынша марапатталды.

Соңында сайыс қатысушылары мен келген қонақтар осындай шаралардың көптеп ұйымдастырылуына тілектестік білдірді.