Қызылордада жекпе-жек сайысынан турнир өтті
Кеше Қызылорда қаласында жоғары спорт шеберлігі мектебінде Кеңес әскерінің Ауғанстаннан шығарылғанына 30 жыл толуына орай жекпе-жек сайысынан қалалық турнир өтті, деп хабарлайды Kyzylorda-news.kz ақпараттық агенттігі.
Жарысты облыстық дене шынықтыру және спорт басқармасы, облыстық жекпе-жек сайысы федерациясы, қалалық дене шынықтыру және спорт бөлімі ұйымдастырды.
Жалпыкомандалық есепте облыстық мемлекеттік күзет қызмет басқармасы 1-орынды жеңіп алса, 2019 әскери бөлімі 2-орынды, облыстық ішкі істер департаментінің қызметкерлері 3-орынды иеленді.
Жарыс нәтижесінде жеңімпаз атанған спортшылар 28-31 наурыз күндері Өскемен қаласында жекпе-жек сайысынан өтетін ҚР кубогына қатысады. Наурыз айының басында ел кубогына дайындық ретінде Қызылорда қаласында оқу-жаттығу жиыны өткізіледі.
Турнир жеңімпаздары:
55 келі: Нұрисламбек Нысанбаев (66547 барлау полкі)
60 келі: Ербол Смағұлов (IIД)
65 келі: Ертуған Қолғанат (МКҚБ)
70 келі: Вадим Федоссев (66547 барлау полкі)
75 келі: Алмас Қарамергенов (IIД)
80 келі: Нұрбол Скаков (2019 ә/б)
85 келі: Абылайхан Исатай (МКҚБ)
90 келі: Нұрғали Әлібеков (2019 ә/б)
+90 келі: Марат Жетесов (МКҚБ)
