ЭЛИЗАБЕТКЕ ҚОЛДАУ ТАНЫТАЙЫҚ
Республикалық www.olympic.kz сайтында еліміздегі «Үздік жас спортшы-2017» үміткерлеріне дауыс беру шарасы жалғасуда. Ел үздігі атануға үміткерлер арасында жерлесіміз, мәнерлеп сырғанаудан әлемдік аренада ел намысын абыроймен қорғап жүрген халықаралық дәрежедегі спорт шебері, ҚР 4 дүркін чемпионы Элизабет Тұрсынбаева бар.
Көп қолдауы арқасында Элизабет қазір 3 540 дауыс жинап, көш басында тұр.
Талантты жерлесіміз өткен ай соңында Минскіде өткен халықаралық «ICE STAR» турнирінде бірінші орынды иеленіп, Қазақстанның әнұранын шырқатты. Ал 15-19 қараша аралығында Франциядағы Гран-При жарысында екі бағдарлама бойынша 200 ұпаймен рекордтық көрсеткішке ие болды.
Жалпы осы жыл Элизабет үшін табысты болды. Хельсинкидегі әлем чемпионатында үздік өнер көрсетіп, мәнерлеп сырғанаудан ел тарихында әйелдер арасында тұңғыш рет Кореяда өтетін Олимпиадаға екі лицензияны жеңіп алды.
«Үздік жас спортшы-2017» үміткерлеріне дауыс беру 28 қараша сағат 23:59 –да өз мәресіне жетеді.
Талантты жерлесіміздің жетістігі жалғасты болуы өз қолымызда, ағайын!
Элизабетке қолдау танытайық!
