Сыр Медиа

Қызылорда қаласы №2 ОРМБЖМ - де ХД AIBA төрешісі, ҚР еңбек сіңірген жаттықтырушысы Серікбай Әбденәлиевтің 80 жылдық мерейтойына арналған бокстан жасөспірімдер арасында ҚР батыс аймақтық чемпионаты басталды, деп хабарлайды Kyzylorda-news.kz.

Жарысқа Атырау, Маңғыстау, Ақтөбе, Батыс Қазақстан және Қызылорда облыстарынан келген былғары қолғап шеберлері 20 салмақ дәрежесінде жүлделерді сарапқа салуда.

Айтулы бәсеке биылғы жылдың 19-23 мамыр аралығында Ақмола облысы Атбасар қаласында өтетін Қазақстан чемпионатына спортшылады іріктеу жарысы болып табылады.

Жарыстың салтанатты ашылуына облыс әкімінің орынбасары Руслан Рүстемов, ХД AIBA төрешісі, ҚР еңбек сіңірген жаттықтырушысы Серікбай Әбденәлиев, облыстық дене шынықтыру және спорт басқармасының басшысы Олжас Акимов, ҚР олимпиадалық даярлау орталығының директоры Ермахан Ибраимов қатысты.

9 наурыз күні сағат 11.00-де финал басталады, баршаңызды тамашалауға шақырамыз. Кіру тегін.