Сыр Медиа

жауапкершілігі шектеулі серіктестік
» » ЖАЗҒЫ ДЕМАЛЫС: ТИІМДІ ҰЙЫМДАСТЫРУ ТЕТІКТЕРІ

ЖАЗҒЫ ДЕМАЛЫС: ТИІМДІ ҰЙЫМДАСТЫРУ ТЕТІКТЕРІ

Жаз – жарқын мезгіл.«Жаз жайнатып, күн күлдіріп, біз лагерьге барамыз», - деп оқу жылы аяқталысымен мектеп оқушылары жазғы тынығу лагерлеріне баруға асығады. Жайраңдаған жаздың қуаныш пен шаттыққа толы ұмытылмас естеліктері балалардың осындай жазғы демалыс лагерінен бастау алары сөзсіз.
   Міне, енді 3 күннен соң соңғы қоңырау сыңғырладйы. Бұл мектеп оқушыларының жазғы демалысы жақын деген сөз. Олардың жазғы демалысын ұйымшылдықпен, сапалы да қызықты өткізу мақсатында жылдағы дәстүр бойынша жазғы тынығу лагерьлерінде дайындық жұмыстары жүргізілуде. Биылғы жазғы маусымда Сырдария ауданындағы «Жалын» тынығу лагерінің 7 ауысымында 910 оқушы тынықса, мектеп жаны күндізгі тынығу лагерлерінде 3500 оқушы тынықтырылып, каникул күндерін көңілді өткізеді деп жоспарлануда.
  ҚРПремьер-Министрінің «2016-2019 жылдарға арналған жазғы демалыс кезеңінде балаларды сауықтыру, демалысын, бос уақытын және жұмыспен қамтылуын ұйымдастыру туралы» өкімін негізге ала отырып, ҚР Ұлттық экономика министрінің «Санаториялық және сауықтыру объектілеріне қойылатын санитариялық-эпидемиологиялық талаптар» санитариялық қағидаларын бекіту туралы бұйрығына сәйкес, ҚР Денсаулық сақтау министрлігінің Қоғамдық денсаулық сақтау Комитетінің селекторлық мәжілісінің тапсырмаларын, Қызылорда облысы қоғамдық денсаулық сақтау департаментінің «Облыстағы, қала сыртындағы және мектеп жанындағы күндізгі лагерлерге санитариялық-эпидемиологиялық қадағалауды күшейту туралы» бұйрығын орындау мақсатында қала сыртындағы лагерьлер қызметін ұйымдастыру, балалар арасында топтасқан жұқпалы аурулар мен тағамнан уланудың алдын алу және лагерь қызметкерлерінің біліктілігін арттыру және балалар мен жасөспірімдердің тиімді демалысын, сауықтырылуын және жұмыспен қамтылуын ұйымдастыру барысында жақында №36 мектеп-лицей базасында Қоғамдық денсаулық сақтау басқармасы мен аудандық білім бөлімінің ұйымдастыруымен бірлескен семинар өтті.
  Оған сала мамандары мен мектеп директорлары, ауданның жазғы сауықтыру мекемесі мен мектеп жанындағы лагерь басшылары және медицина, асхана қызметкерлері қатысты. Семинарды Қоғамдық денсаулық сақтау басқарма басшысының орынбасары Қ.Омарова ашып, оқушылардың жазғы демалысын, лагерьлердің жұмысын ұйымдастыру жайында кеңінен мәлімет беріп, семинарға қатысушыларды белсенді ат салысуға шақырды.
  Шарада білім беру, санитарлық қызмет саласы мамандары аудан бойынша балалар мен жасөспірімдердің жазғы демалысын ұйымдастыру, су тоғандары мен жолда жүру ережелері, өртке қарсы шаралар мен төтенше жағдайдың алдын алу және жазғы демалыс орындарында санитарлық-эпидемиологиялық заңдылықтардың сақталуы жөнінде мәселелер талқыланды.
  Семинар барысында сала мамандары баяндама жасады. Ел көлемінде орын алған топтасқан тағамнан улану және жұқпалы ішек ауруларының жағдайлары жөнінде ақпараттар, асхана қызметкерлеріне сауалнамалар беріліп, жаз айларында кенеден қорғану, «Конго-Қырым геморрагиялық қызбасы» ауруының алдын-алу туралы айтылып, мамандар пікір алмасты.
  Тамақтануды ұйымдастырған кезде санитариялық-эпидемиологиялық талаптарды қатаң сақтау қажеттігі, алынатын азық-түліктердің қанағаттанарлық сапасы туралы, асхананың материалдық-техникалық базасын жақсарту туралы өз ойларын ортаға салған мамандар семинарға қатысушыларға санитариялық-гигиеналық талаптарды сақтау бойынша нұсқаулықтар таратты.


А.МАРАТҚЫЗЫ,
Сырдария ауданы

22 мамыр 2018 ж. 3 966 0

Біздің басылымдар

Сыр бойы
Кызылординские вести
Kyzylorda-News
Ақмешіт апталығы
Ақмешіт жастары
Өскен өңір
Тіршілік тынысы
Қазалы
Толқын
Қармақшы таңы
Жаңақорған тынысы
Жалағаш жаршысы

Жаңалықтар мұрағаты

«    Шілде 2024    »
ДсСсСрБсЖмСбЖс
1234567
891011121314
15161718192021
22232425262728
293031 
  • Нақты қадам
  • Digital Kazakhstan
  • Egov
  • Жаңғыру 30
  • Рухани Жаңғыру
  • Нұрлы жол
  • Сайт президента
  • Акимата Кызылординской области