СОТ ПЕН «БІТІМ» МЕДИАЦИЯ ОРТАЛЫҒЫ АРАСЫНДА МЕМОРАНДУМ ЖАСАЛДЫ
Шараға Қызылорда облысының кәмелетке толмағандардың істері жөніндегі мамандандырылған ауданаралық сотының төрағасы К.Абдуллаев, кәсіпқой медиатор Л.Бактыбаева, қалалық білім бөлімінің өкілдері Г.Агжигитова және Б.Кайырбекова, сонымен қатар жергілікті мектеп оқушыларының ата-аналары қатысты. Аталған дөңгелек үстелдің басты мақсаты – тараптар арасында өзара келісімге отыру арқылы қоғамдағы түйіткілді мәселелерді шешу,медиатордың көмегімен шешілетін барлық жағдайларды келіссөздер арқылы тиімді пайдалану болып табылды.
Шара барысында сот төрағасы Қ.Абдуллаев қазіргі таңда сот жүйесінде Қазақстан Республикасы Жоғарғы Сотының медиация бойынша пилоттық бағдараламасы жүзеге асырылып, күннен күнге медиация тәртібімен аяқталатын істер саны артып отырғанын атап өтті.
Сонымен қатар, кәсіпқой медиатор Л.Бақтыбаева Қызылорда облысында «Сотсыз татуласу орталығы» ашылғандығын, осы жобаның аймақтың қоғамдық өмірі үшін маңыздылығы зор екенін атап өтіп, тұрғындарды соттан тыс дауларды шешудің тиімді жолдарын қарастыруға шақырды.
Дөңгелек үстел соңында Қызылорда облысының кәмелетке толмағандардың істері жөніндегі мамандандырылған ауданаралық соты және «Бітім» Медиация орталығы» қоғамдық бірлестігі тараптар арасындағы дауларда медиация және татуластыру рәсімдерін кеңінен қолдану мақсатында өзара ынтымақтастық туралы Меморандумға қол қойды.
