РУХАНИ ЖАҢҒЫРУЫМЫЗДЫҢ ТЕМІРҚАЗЫҒЫ
Бүгін Қызылорда қаласындағы №278 орта мектепте «Латын әліпбиіне көшу - рухани жаңғырудың басты құндылығы» тақырыбында дөңгелек үстел болып өтті. Аталған іс-шараға қонақ ретінде Қорқыт Ата атындағы ҚМУ қауымдастырылған профессоры, ф.ғ.к. Аман Абасилов қатысты.
Ұжыммен өткізілген дөңгелек үстелдің кіріспе бөлімінде «Латын әліпбиін қаншалықты білеміз?» деген сұрақ төңірегінде мұғалімдер арасында тренинг ұйымдастырылды.
Елбасы жолдауынан латын әліпбиіне қатысты пікірлері айтылып, бейнебаян көрсетілді. «Еркін микрофон» бөлімінде латын әліпбиіне көшудің пайдалы, тиімді тұстары, оны тез үйренудің жолдары талқыланды..
Дөңгелек үстелдің қонағы А.Абасилов жаңа әліпби туралы, оның ерекшеліктері туралы мектеп мұғалімдеріне тұшымды түсіндірме жұмыстарын жүргізді. Мектеп директоры Б. Бекенов рухани жаңғыруымыздың темірқазығы болып отырған латын қарпін енгізуге баршамыздың атсалысу керек екендігін айтып, шараны қорытындылады.
