ОҚУШЫЛАР САЛА ТАРИХЫМЕН ТАНЫСТЫ
Қызылордада облыстық мемлекеттік мұрағат мамандары бастамасымен "Ауыл шаруашылығындағы қарышты қадамдар" атты көрме ұйымдастырылды.
Шара мақсаты оқушыларды құжаттардағы Социалистік Еңбек ерлерінің жетістіктерімен таныстырып, әр дәуірдегі салада жасалған рекордтар, жаңалықтар туралы мәлімет беру болды. «Осы арқылы жастардың бойында еңбек адамына деген құрмет қалыптастырып, Отанды сүю сезімін оятуға болады» дейді ұйымдастырушылар.
1938 жыл мен 2003 жыл аралығын қамтитын көрмеге еңбек ерлерінің құжаттары мен фотосуреттері, олар жайлы жазылған туындылар, наградтау құжаттары, салада жүзеге асқан бастамалар жайлы деректер қойылды.
Көрменің бұл жолғы қонақтары № 15 Мырзабек Дүйсенов атындағы мектеп-лицей оқушылары болды.
