Сыр Медиа

    Елбасының «Болашаққа бағдар: Рухани жаңғыру» мақаласы аясындағы міндеттерді жүзеге асыруға орай қалалық білім бөлімінің ұйымдастыруымен М.Дүйсенов атындағы №15 мектеп – лицейде «Менің Отаным – Тәуелсіз Қазақстан» тақырыбында 8 сынып оқушылары арасында ашық тәрбие сағаты өткізілді.

     Білімді ұрпақ өз елін әлемге танытады. Оның ішінде көп тіл білгеннің өрісі кең екені тағы белгілі. Сондықтан да Елбасы бастамасымен елімізде   үштілділік саясаты кеңінен насихатталуда.

    ҚР Тәуелсіздігі күніне арналған ашық тәрбие сағатында да оқушыларға осы тақырыпқа байланысты мәліметтер айтылып, сұрақ – жауап түрінде сұхбат жүргізілді.

    Сондай-ақ, оқушылардың жасаған қолөнер бұйымдарынан «Тәуелсіздік жаңғырығы» тақырыбында қолөнер шеберлері көрмесі ұйымдастырылды. Шараға қатысушылар балалардың «Тәуелсіз ел болу – арманы» тақырыбындағы туындыларын да тамашалады.