ЖАСТАР ЖАҢҒЫРУҒА ҮЛКЕН ҮЛЕС ҚОСАДЫ
ҚР Тәуелсіздігі күні мерекесі қарсаңында Шиелі ауданы әкімі Әшім Оразбекұлы «Рухани жаңғыру: жарқын болашаққа қадам» шарасы аясында бір топ белсенді жастармен кездесті.
Елбасының «Болашаққа бағдар: Рухани жаңғыру» мақаласы аясындағы міндеттерді саралаған кездесуде кездесуде аудан басшысы мемлекет тарапынан жастарға әрдайым қолдаудың жасалып келе жатқанын айтты.
Мемлекетіміз жастарға қашан да ерекше көңіл бөліп келеді. Осының арқасында соңғы жылдары жастардың қоғамдағы рөлі артып, белсенділіктері жоғарылауда. Бүгінгі жастар қоғамда орын алып жатқан әрбір оқиғаға бейжай қарамайды және еліміздің дамуына өз үлестерін қосуда.
Жастар аудан басшысына түрлі сауалдар қойып, рухани жаңғыру бағытындағы бастамалар жайлы пікірін білдіріп, өздерінің елді жаңаша дамытуға қосар үлестері мол болатынын жеткізді.
