ҮЛКЕНДЕР ЖАСТАРҒА ЖӨН СІЛТЕДІ
Қызылорда облысының жастар саясаты мәселелері басқармасы, «Қызылорда облысының жастар Одақтары» қоғамдық бірлестігінің ұйымдастыруымен аудандарда «GO WORKING» жобасы аясында кездесулер ұйымдастырылды. Танымал тұлғалар мен жастардың жүздесуінде еліміздің дамуына негіз болған бастамалар жайлы айтылып, Елбасының «Болашаққа бағдар:Рухани жаңғыру» атты мақаласы талқыланды.
Жүздесулерде Арал ауданының мақтанышы Әнес Әуезов, Қазалы ауданының ұлағатты ұстазы Айзада Тасымова, Жалағаш ауданы ардагерлер кеңесінің төрағасы Садық Әлиев, Сырдария ауданы ардагерлер кеңесінің төрағасы Хайрулла Әбенұлы жастарға өмір жолынан естеліктер айтып, ақыл-кеңестерін берді. Шиелі жастары елімізге танымал мәдениет қайраткері Әлмырза Ноғайбайұлымен кездессе, жаңақорғандықтар аудандық өнер мектебінің мұғалімі Сәбира Әлімбетовамен жүздесуде сауалдарын қойып, алдағы өміріне жол көрсететіндей кеңестер алды.
