Сыр Медиа

Kyzylorda-news.kz. «Туған елге тағзым» өлкетану-зерттеу экспедицясының үшінші күнінде алматылық және қостанайлық өрендер Сыр елінде орналасқан ежелгі Сығанақ қалашығына зерттеу жұмыстарын жүргізді.

Қазақ халқының тарихында ерекше орын алатын Сығанақ қалашағы XI ғасырда Қыпшақ хандығының, XIII ғасырда Ақ Орданың астанасы болған. Осы кезеңде Сығанақ қалашығында күніне 500-дей мал түрлері қолдан қолға сатылып, үлкен сауда орталықтарының біріне айналды. XV ғасырда Жәнібек ханның әкесі Барақ хан мен Әмір Темірдің немересі Ұлықбек арасында болған соқтығыстан кейін Сығанақ қалашығы Барақ ханның қолына өтеді. Екі ғасырға жуық уақыт Қазақ хандығының елордасы болған көне қала XVII ғасырда Жоңғар шапқыншылығынан құлады.

Археологтардың үргізілген қазба жұмыстары нәтижесінде табылған тиындар, құмыралар және тағы басқа құнды бұйымдар Сығанақтың Ұлы жібек жолы бойындағы саудасы мен қолөнер кәсібі дамыған қала болғанын дәлелдейді.

Қанша кезең өтсе де Сығанақ қаласы туралы тарихи деректер маңызын жойған емес. Қазақ тарихында ерекше орын алатын киелі жерлерде болу мүмкіндігін алған жас зияткерлер Сығанақта орналасқан көне ғимараттарды көзбен көріп, тарихи қалашығының сырымен танысты.

Сондай-ақ, Шиелі аудандық тарихи өлкетану музейі мен Ыбрай Жақаев атындағы күріш өсіру тарихы музейі және Нартай Бекежановтың мемориалдық өнер музейінде болып, өңірдің тыныс-тіршілігіне көз жүгіртті.