Бүгін Эльмира Суханбердиеваның соты басталады
Kyzylorda-news.kz. Маусымның басында Білім және ғылым министрінің орынбасары Эльмира Суханбердиева да тұтқындалған болатын.
Оған «қызметін асыра пайдалану», «пара алу» «заңсыз кәсіпкерлікпен айналысу» баптары бойынша айып тағылып отыр. Экс-вице-министр 9 шілдеден, яғни бүгіннен бастап сот алдында жауап береді, деп хабарлайды Astanatv.kz.
Айта кететіні, ол айып тағушы жақпен процессуалды келісімге келген. Іске қатысты Нұр-Сұлтандағы №3 мектеп-гимназияның директоры Елена Шеверняева да тергеліп жатыр. Бұл туралы "Сот кабинеті" жүйесінде жазылып тұр. Мектеп директоры мен министр орынбасарын не байланыстырғаны сотта белгілі болады. Тағы бір тоқтала кететін деталь - 2017 оны "Болашақ" бағдарламасы бойынша стипендияны тест тапсырмай алып, АҚШ-тың Беркли университетінде бюджеттің қыруар қаржысына оқып келді деп айыптаған материалдар шыққан.
Дегенмен Эльмира ханым барлық сынақты тапсырып барғанын айтып ақталған. Бұл жолы іс насырға шапты. Сот үкімін күтеміз.
