25 шілде: Ел тарихында орын алған оқиғалар
1932 жылы Қазақ КСР ҒА-ның Орталық ғылыми кітапханасы құрылды.2007 жылы Қазақстанда «Халық батыры» республикалық сыйлығы бекітілді.
Ол сыйлық қоғамға, Қазақстан халқына қызмет еткен жоғары жетістігі үшін беріледі және ол мемлекеттік немесе саяси сыйлыққа жатпайды. Қазақстанның әлеуметтік және қоғам өміріне араласып өзінің үлесін қосқан әрбір азамат, коммерциялық және коммерциялық емес ұйымдар оның иегері бола алады. Ал саясаткерлер, саяси партиялар мен қозғалыстар оның иегері бола алмайды.
2007 жылы Мемлекет басшысы Нұрсұлтан Назарбаев сыбайлас жемқорлықпен күресті жетілдіруге, оның көріністеріне жауапкершілікті күшейтуге, оның алдын алуға бағытталған механизмдерді енгізуге бағытталған «Сыбайлас жемқорлықпен күресті жетілдіру мәселелері жөнінде Қазақстан Республикасының кейбір заңнамалық актілеріне өзгертулер мен толықтырулар енгізу туралы» Заңға қол қойды.
2013 жылы Серік Сәпиев спорт саласындағы керемет жетістіктері үшін «Спорт бойынша ЮНЕСКО чемпионы» құрметті атағын алып, бұл атақ берілген әлемдегі 13-ші спортшы атанды. «Спорт бойынша ЮНЕСКО чемпионы» - бұл жас ұрпақ үшін дене тәрбиесі мен спортты насихаттай отырып, ЮНЕСКО идеясын күллі әлемге таратуға ықпал ететін әлемдік дейгейдегі көрнекті спортшыларға берілетін атақ.
