28 шілде: Ел тарихында орын алған оқиғалар
1851 жылы әлемде алғаш рет күннің толық тұтылуы суретке түсіріліп алынды (дагерротипке түсірілді).1995 жылы Қазақстан Республикасының Президенті 1995 жылдың 30 тамызында Қазақстан Республикасының жаңа Конституциясының жобасы қабылданған республикалық референдум өткізу туралы қаулы шығарды.
2000 жылы Мемлекет басшысы Нұрсұлтан Назарбаев Қазақстан Республикасының стратегиялық мүддесінде ерекше маңызы бар ұйымдар мен нысандардың қызметін мемлекеттік реттеуді қамтамасыз ету мақсатында жекешелендіруге жатпайтын мемлекеттік мүлік нысандарының тізбесі туралы Жарлыққа қол қойды.
2003 жылы ҚР Ұлттық банкі номиналы 10 000 теңгелік банкнотты айналымға енгізді.
2007 жылы Қазақстан Республикасы Президенті Нұрсұлтан Назарбаев білім саласында қоғамдық қатынастарды реттеуге, осы саладағы мемлекеттік саясаттың қағидаттарын анықтауға және Қазақстан Республикасы азаматтары, сондай-ақ елімізде тұрғылықты тұратын шетел азаматтары және азаматтығы жоқ адамдардың білім алуға конституциялық құқығын қамтамасыз етуге бағытталған «Білім туралы» Заңға қол қойды.
2015 жылы Қорқыт ата атындағы Қызылорда мемлекеттік университеті мен Бейжің мұнай университеті біріктірілген оқу орталығын ашты, ынтымақтастық туралы шартқа қол қойды.
