Қызылордада «Адам саудасына қарсы күресте біргеміз» ақпараттық акциясы өтті
Kyzylorda-news.kz. Дүниежүзілік адам саудасына қарсы күрес күніне орай облыстық Полиция департаменті Криминалдық полиция басқармасы «Адам саудасына қарсы күресте біргеміз» атты ақпараттық науқанын өткізді.
Жүргізілген ақпараттық акция барысында полицейлер үкіметтік емес ұйым қатарынан Қызылорда облысы «Шағын кәсіпкерлер-әйелдер қоғамдастығы» қоғамдық бірлестігінің қызметкерлерімен бірлесіп, адам саудасы қылмысының алдын алу мақсатында қалалық саябақтар, алаңдар, сауда орталықтары, теміржол және автовокзалдарда, облыс орталығындағы құрылыс объектілеріндегі жұмысшылар арасында түсіндірме жұмыстарын жүргізіп, үнпарақтар таратты.
Сонымен қатар, тәртіп сақшылары адам саудасына байланысты қылмыстың алдын-алу және оған қарсы күрес жөніндегі сұрақтар бойынша жұмыс жасайтын сенім телефондары (116 16) жөнінде ақпараттандырды.
