Қызылордада «Бастау» жобасына тыңдаушыларды қабылдау басталды
Kyzylorda-news.kz. Қызылорда облысының кәсіпкерлер палатасы 2019 жылдың 6-7 қыркүйегінде «Бастау» жобасы бойынша тегін оқу курсына қабылдау үшін тестілеу өткізілетінін хабарлайды.
Жоба қала/аудан тұрғындарын кәсіпкерлік дағдыларына оқытуға бағытталған. 18 жастан бастап зейнеткерлік жасқа дейінгі жұмыссыз азаматтарды, өз бизнесін ашқысы келетін жұмыссыздарды, сондай-ақ бизнесті кеңейтуге мүдделі, жұмыс істейтін кәсіпкерлерді (3 жылға дейінгі) оқуға шақырады.
Жобаға қатысу үшін тесттілеуден өту қажет, оның нәтижесі бойынша топқа іріктеу жүргізіледі.
Толық ақпаратты кәсіпкерлерге қызмет көрсету орталығы: Қызылорда қ., Желтоқсан көшесі, 12, телефон: 8/7242/400981, 400202 немесе www.atameken.kz.сайтынан алуға болады.
