Сыр Медиа

    Елбасының «Болашаққа бағдар: Рухани жаңғыру» бағдарламалық мақаласына орай Қызылорда облыстық ішкі саясат басқармасының қолдауымен «Алтын ұя» этнопедагогикалық қоғамдық қоры «Ұлттық қолөнер - ұлт қазынасы» жобасын жүзеге асырды. Жоба аясында мақсатты топтармен семинар-тренинтер, мастер-класстар өткізіліп, «Ақ киіз» үйірмесі жасаған жұмыстар қорытындысы ретінде киізден жасалған бұйымдар көрмесі ұйымдастырылды.

    Жастардың әлеуеттік белсендіктерін арттырып, қолөнер үйірмесін жандандырып, ұлттық құндылықтарын насихаттауды көздеген жобаға қызыққан жастар қатары көп болды.  

    Жоба бойынша оқыту процесі мен көрме Қазақ гуманитарлық заң және техникалық колледжінде ұйымдастырылды.