РУХАНИ ЖАҢҒЫРУ АЯСЫНДАҒЫ ШАРАЛАР ҮЙІРМЕДЕ ҰЙЫМДАСТЫРЫЛДЫ
Қызылорда облыстық тарихи-өлкетану музейі жанынан ұлттық құндылықтар мен мәдени мұраны насихаттау мақсатында «Мирас» үйірмесі жұмыс жасауда. Үйрмеде М.Мәметова атындағы гуманитарлық колледжінің «Туризм» мамандығы бойынша білім алып жатқан студенттер мен қызығушылық білдірген мектеп оқушыларына гид-экскурсовод ретінде тағылымдамадан өтуге мүмкіндік беріледі.
Сондай-ақ үйірме Қазақ гуманитарлық заң және техникалық колледжі, «Болашақ» университеті мен колледжі студенттерін қатыстыра отырып шаралар өткізуде.
Сондай шаралардың бірі Елбасының «Болашаққа бағдар:Рухани жаңғыру» бағдарламасына арналды. Музейдің археология залында «Тамыры терең,тарихы кенен - Сыр елі» атты экскурсия сабақ ұйымдастырылып, онда студенттерге облыс аумағндағы тарихи нысандар кеңінен таныстырылды.
