ЛАЙЫҚТЫЛАР МАРАПАТ ИЕЛЕНДІ
Елбасының «Болашаққа бағдар: Рухани жаңғыру» бағдарламалық мақаласына орай Тәуелсіздік мерекесі қарсаңында еңбегі еленген ел азаматтары марапатталды.
Наградалардың бірқатарын Мемлекеттік хатшы Гүлшара Әбдіқалықова табыстады. Ел дамуына үлес қосқан 40-тан астам адам жоғары мемлекеттік наградаға ие болды. Марапатталғандар қатарында мәдениет, білім, ғылым, денсаулық сақтау саласы өкілдері, мемлекеттік қызметкерлер мен түрлі салада еңбек етіп жүрген ауыл еңбеккерлері бар. Солардың бірі аралдық балықшы Нұртай Әбенов. Осы аудандағы «Жамбыл» өндірістік кооперативінің мүшесі Елбасы Жарлығымен III дәрежелі «Еңбек даңқы» орденінің иегері атанды.
- Елбасымыздың назарындағы Аралдан келіп тұрмын. Белестерден көрініп жатырмыз. Теңізіміз балыққа толды. Осының бәрі Елбасы бастамасымен жұмылған елдің арқасы, – деді награда иегері.
