11 қыркүйек: Атаулы күндер мен оқиғалар
Дүниежүзілік әкелер күні2000 жылы 11 қыркүйекте Украинаның бастамасымен Дүниежүзілік әкелер күні бекітілді. Бұл бастаманы бірінші болып Нидерланды, бірнеше жылдан кейін Жаңа Зеландия, 2013 жылы - Бразилия қолдады.
Аргентинада мұғалімдер күні
Ұлы ағартушы, елдің бұрынғы президенті Доминго Фаустино Сармьентоның (1811-1888) қайтыс болған күніне байланысты жыл сайын атап өтіледі.
1991 жылы Қазақстан Республикасы Президентінің Жарлығымен Ғарыштық зерттеулер агенттігі мен Жер мәселелері және жерге орналастыру жөніндегі мемлекеттік комитет құрылды.
1997 жылы Қазақстан Республикасы Қарулы Күштерінің Әскери академиясы құрылды.
2010 жылы Қызылорда облысы Қармақшы ауданының орталығы Жосалы кентіндегі №250 мектеп-лицейдің 6 сынып оқушысы Айжан Қыдырбек Италияның Римини қаласында болып өткен «Римини фест» фестивалінде Гран-при жеңіп алды. Бұл ән фестиваліне 9-25 жас аралығындағы өнерпаздар қатысты. Осында қазақ, орыс және итальян тілдерінде әндерді орындаған Айжанға тең келер ешкім болмады.
