Қазақстанда ауа температурасы 35 градусқа дейін ысиды
Kyzylorda-news.kz. Иран аймағынан жылы ауа массаларының шығуының жалғасуымен Қазақстанның оңтүстік, орталық және шығыс облыстарында температураның әрі қарай жоғарылауы күтіледі.
Мұнда алдағы үш тәулікте жаздағыдай жылы және жауын-шашынсыз ауа райы күтіліп, күндізгі ауа температурасы +23…30°С, оңтүстікте +30…35°С дейін жоғарылайды. Республиканың батыс және солтүстік облыстарында атмосфералық фронттардың өтуімен ауа температурасы төмендеп, кей жерлерде найзағаймен жаңбыр, желдің күшеюі күтіледі, сондай-ақ бұршақ болуы ықтимал.
