МӘДЕНИЕТ, АРХИВТЕР ЖӘНЕ ҚҰЖАТТАМА БАСҚАРМАСЫНЫҢ БАСШЫСЫ ТАҒАЙЫНДАЛДЫ
Облыс әкімінің өкімімен Әбуова Мирамкүл Рахымжанқызы Қызылорда облысының мәдениет, архивтер және құжаттама басқармасының басшысы болып тағайындалды.
М. Әбуова 1961 жылы туған. Қазақ мемлекеттік басқару академиясын «экономист» мамандығы бойынша бітірген.
Еңбек жолын 1979 жылы Қызылорда қалалық қаржы бөлімінде хатшы – әріп теруші ретінде бастаған. 1982-2008 жылдары Қызылорда қалалық қаржы бөлімінде бас маман, бөлім бастығының орынбасары, бөлім бастығы қызметтерін атқарған. 2008-2015 жылдары Қызылорда облысының мәдениет басқармасы басшысының орынбасары болды.
2015 жылдың наурыз айынан бастап осы кезге дейін Қызылорда облысының мәдениет, архивтер және құжаттама басқармасы басшысының орынбасары қызметін атқарып келді.
