Шиелі ауданында жаңа мешіт ашылды
Салтанатты жиынға ҚМДБ-ның Қызылорда облысы бойынша Өкілі Болатбек Әбуов, аудан әкімінің орынбасары Тұрмағанбет Жағыпбаров, аудандық ардагерлер кеңесінің төрағасы Аманжол Әбдірахманов, аудандағы қажылар қауымдастығының төрағасы Оразбай Мысырханов және жергілікті кәсіпкерлер мен ауыл тұрғындары қатысты.
Қасиетті Құран Кәрім аяттарымен басталған шарада қонақтар ауыл халқын жаңа мешітпен құттықтап, ыстық лебіздерін жеткізген соң, лента қию рәсімі өткізілді.
Аудан экономикасының артуына ғана емес, әлеуметтің әлеуеті жақсаруына сеп болып жүрген аймаққа белгілі кәсіпкер Ә.Шорабаевтың демеушілігімен салынған мешітте бір уақытта 165 адамға дейін құлшылық жасай алады.
Жаңа құлшылық үйіне «Алтай қожа» атауы берілді.
