Қазалыда 12 тұрғын үй құрылысын салынады
Kyzylorda-news.kz. Қазалыда 2 қабатты 12 тұрғын үй құрылысын салу жоспарлануда.Құрылыс жұмыстары Қазалы ауданының құрылыс, сәулет және қала құрылысы бөлімінің тапсырысымен жүргізіледі.
Дәлірек айтар болсақ, 12 пәтерден тұратын тұрғын үй құрылысын Қазалы қаласы мен Әйтеке би кенті аралығынан салу жоспарлануда. Қазіргі таңда бөлім тарапынан нысанның жоба-сметалық құжаттамасы әзірленіп, мемлекеттік сараптамадан өткізілді.
Аталған жобаны қаржыландыру мақсатында ҚР Ұлттық экономика министрлігіне тиісті бюджеттік өтінім тапсырылды. Енді қаржыландыру жұмыстары күтілуде.
