Ғалымдар кей жануардың жүктілігін өздігінен тоқтата алатынын айтты
Kyzylorda-news.kz. Мельбурн университетінің ғалымы Джейн Фенелон сүтқоректілердің 130-ға тарта түрі жүктілікті өздігінен тоқтатып, кейінге қалдыра алады деген тоқтамға келген, деп хабарлайды Baq.kz.Ғалымдардың зерттеу жұмыстары нәтижесінде жануарлардың да көбею процесін өздігінен тоқтата алатыны анықталып отыр.
Көптеген жануар жүктілікті бірнеше күннен 11 айға дейін тоқтата алады екен. Әсіресе, жаңа пайда болған эмбрион 80 жасуша көлемінде түзіліп, жатырда толығымен бекіп бітпеген тұста болатын көрінеді.
Ғалымдардың пайымдауынша, жануарлар бұны көбеюге қолайлы жағдай қалыптаспаған кезде жасайды екен. Жүктілігін өздігінен тоқтатын ірі жануарлар қатарында аю, итбалық, бұғы, кіреукей, тіптен алып құмырсқажегіш те бар.
