11 қараша: Атаулы күндер мен оқиғалар
Халықаралық энергия үнемдеу күні 2008 жылы сәуірде Қазақстанда SPARE халықаралық үйлестірушілер мәжілісінде қабылданды. 2008 жылғы қарашада әлем халқы алғашқы
Энергия үнемдеу күнін атап өтті.
1940 жылы суретші, Қазақстан Суретшілер одағының мүшесі, ҚР еңбек сіңірген қызметкері Серік Пірмаханов дүниеге келген.
Бірінші дүниежүзілік соғыстың аяқталған күнін еске алу күні
11 қараша көптеген елдерде - адамзат тарихындағы ең кең ауқымды қарулы қақтығыстардың бірі саналатын бірінші дүниежүзілік соғыста қаза тапқандарды еске алу күні (1914 жылғы 28 шілде - 1918 жылғы 11 қараша). Бұл соғыс төрт империяны жойды: Ресей, Герман, Австро-Венгрия және Осман.
1998 жылы Нұр-Сұлтандағы Перинаталдық орталық жанынан Республикалық ана мен бала денсаулығын қорғау ғылыми-зерттеу орталығы ашылды.
2004 жылы Нұр-Сұлтанда Халықаралық «Қазақ тілі» қоғамының IV Құрылтайы өтті. Бұл шараға барлық облыстардан делегаттар, қазақ қоғамдастығының шет елдердегі өкілдері де қатысты. Мемлекеттік тілдің қолданылуы мен дамуы, оның мәртебесін арттыру, сондай-ақ республикадағы ұлтаралық келісім мен саяси тұрақтылықты нығайту мәселелері талқыланды.
2010 жылы Туризм және спорт министрлігінде VII Азия ойындарын өткізу қарсаңында арнайы естелік монеталардың таныстырылымы өтті.
2013 жылы «Білім» және «Мәдениет» телеарнасы біріктірілді
