Сыр Медиа

жауапкершілігі шектеулі серіктестік
» » Қазақстандықтарға толық емес жұмыс күніне көшуге рұқсат етілуі мүмкін

Қазақстандықтарға толық емес жұмыс күніне көшуге рұқсат етілуі мүмкін

Kyzylorda-news.kz. Қазақстандықтарға науқас туысына күтім жасау үшін толық емес жұмыс күніне көшуге рұқсат етілуі мүмкін. Бүгін мәжіліс кейбір заңнамалық актілерге еңбек мәселелері бойынша өзгерістер мен толықтырулар енгізу туралы заң жобасын бірінші оқылымда мақұлдады, деп хабарлайды Sputnik Қазақстан.Еңбек және халықты әлеуметтік қорғау министрі Біржан Нұрымбетов заң жобасындағы негізгі өзгерістерге тоқталды. Соның бірі – науқас жақынын күтіп-бағып отырған азаматқа толық емес жұмыс күнін ұсыну.
"Жалақысы сақталмайтын демалыс бүгінгі таңда тараптардың өз келісімі бойынша беріледі. Алайда отбасының науқас мүшесін күту үшін ұзақ демалыс қажет болған кезде, жұмыскерлер жалақысы сақталмайтын демалыс ала алмай, соның салдарынан жұмыстан шығуға мәжбүр болып жатады. Осыған байланысты, медициналық қорытындыға сәйкес жанұя мүшесіне күтім жасау үшін қызметкерлерге толық емес жұмыс уақыт режимін енгізу ұсынылады", - деді министр мәжіліс отырысында.
Нұрымбетовтың айтуынша, отбасы мүшелері ретінде күйеуі немесе әйелі, балалары, ата-анасы қаралып отыр. Яғни, тек ең жақындары.
"Еңбекақы еңбек кодексіне сәйкес, жұмыс істеген уақыты үшін төленеді", - деп нақтылады ол.
Депутаттар қандай дертке шалдыққан науқастарға күтім жасау үшін толық емес жұмыс уақыты берілетінін сұрады. Денсаулық сақтау вице-министрі Олжас Әбішевтің айтуынша, медициналық аурулар тізімі жасалмаған.
"Әр медициналық ұйымда дәрігерлік-консультациялық комиссия бар. Сол комиссия тиісті ұсыным береді. Біз мұны қолдаймыз", - деді вице-министр.
Мәжіліс заң жобасын бірінші оқылымда мақұлдады.
Еңбек кодексінің 70-бабына сәйкес, бүгінде толық емес жұмыс уақыты жүкті әйелге, үш жасқа дейінгі баласы бар ата-ананың біреуіне (бала асырап алушыға) беріледі.
18 желтоқсан 2019 ж. 341 0

Біздің басылымдар

Сыр бойы
Кызылординские вести
Kyzylorda-News
Ақмешіт апталығы
Ақмешіт жастары
Өскен өңір
Тіршілік тынысы
Қазалы
Толқын
Қармақшы таңы
Жаңақорған тынысы
Жалағаш жаршысы

Жаңалықтар мұрағаты

«    Маусым 2024    »
ДсСсСрБсЖмСбЖс
 12
3456789
10111213141516
17181920212223
24252627282930
  • Нақты қадам
  • Digital Kazakhstan
  • Egov
  • Жаңғыру 30
  • Рухани Жаңғыру
  • Нұрлы жол
  • Сайт президента
  • Акимата Кызылординской области