Ерлан Тұрғымбаев «Bek Air» ұшағының неліктен өртенбегенін айтты
Kyzylorda-news.kz. ҚР Ішкі істер министрі Ерлан Тұрғымбаев Алматы түбінде апатқа ұшыраған «Bek Air» ұшағының неліктен өртенбегенін айтты, деп хабарлайды ҚазАқпарат.
«Бақытымызға орай, жанармай багы тесілген сол жақ қанаты өртенген жоқ. Отынның жартысы ұшақ астына төгілген. Күн райына, қарға және суық ауа райына байланысты өрт шыққан жоқ. Бұл қаза тапқандар санының аз болуына мүмкіндік жасады», - деді министр Үкімет отырысынан кейін БАҚ өкілдерінің сауалына орай.
Сонымен қатар Ерлан Тұрғымбаев ұшақ апатының 3 нұсқасын атаған болатын.
