Алдағы үш күнгі ауа райы болжамы
Kyzylorda-news.kz. «Қазгидромет» РМК 23-25 қаңтар аралығындағы ауа райы туралы айтты
«Қазақстанда алдағы үш тәулікте ауа райында айтарлықтай өзгерістер күтілмейді. Республиканың басым бөлігі Ресей және Скандинавия түбегінің солтүстік аймақтары арқылы жылжитын атлантикалық циклондармен байланысты атмосфералық фронттардың ықпалында қалады. Сондықтан көптеген облыстарда қар, бұрқасын, батыстан екпінді жел соғатыны күтіледі. Солтүстік облыстарда желдің күші 30 м/с жетуі мүмкін. Сондай-ақ тұман мен көктайғақ болжанады. Ауа температурасы орташа көпжылдық нормадан 5...8°С, солтүстік облыстарда 8…13°С жоғары сақталады», - деді синоптиктер.
