Коронавирус жұқтырған төрт қазақстандық тергеуге алынды
Kyzylorda-news.kz. Ішкі істер министрі Ерлан Тұрғымбаев емделуден бас тартқаны және байланыста болған адамдарын жасырғаны үшін төрт қазақстандықтың тергеуге алынғанын мәлімдеді, деп хабарлайды NUR.KZ.Оның айтуынша, қазір коронавирусқа шалдыққан төрт қазақстандыққа қатысты тергеу шаралары жүргізілуде. Олар емделуден және кіммен байланыс жасағандарын айтудан бас тартқан.
Сонымен қатар, ведомство басшысы Қазақстанда 32 адамның қамауға алынғанын атап өтті. Олардың бір бөлігі ақша беріп, карантинге жабылған Алматы мен Нұр-Сұлтанға кірмек болса, енді бірі адамдарды ақшаға блок-бекеттерден өткізуге тырысқан.
