МЖӘ: ТАҒЫ БІР ЖОБА ЖҮЗЕГЕ АСАДЫ
Мемлекеттік-жекешелік әріптестік аясында Шиелі кентінде арнаулы әлеуметтік қызметтер көрсететін орталық ашылатын болды.
Осы бағытта жасалған келісімге сәйкес «Думан-Шиелі» ЖШС өз қаржысы есебінен ғимаратты салып, оны қажетті жиһазбен, мүгедектерге арналған жабдықтармен жасақтады.
Енді бұл жерде 100 адамға медициналық, педагогикалық, психологиялық, мәдени, еңбек, құқықтық қызметтер көрсетілетін болады. Халықты әлеуметтік жағынан қамтамасыз ету саласында жақсы нәтиже көрсетіп келе жатқан бастама арқылы облыстық бюджетке түсетін ауыртпалық сәл де болса жеңілдемек.
Келісім бойынша жеке әріптес «Думан-Шиелі» әлеуметтік үй қызметін 2022 жылға дейін жүргізеді.
