БИЫЛ ҚЫЗЫЛОРДАДА 7 ІРІ САУДА ОРТАЛЫҒЫ ІСКЕ ҚОСЫЛАДЫ
Былтыр облыстағы бөлшек сауда көлемі 237,7 млрд, ал көтерме сауда көлемі 149,9 млрд. теңгеге жетіп, өсім 100,4 пайыз болды.
Қазір жалпы облыс бойынша 166 сауда орны жұмыс істеп тұр. Олардың 23-і өткен жылы ашылған.
Биыл олардың қатары тағы да көбейе түспек. Мамандардың дерегінше осы жылы өңірде 7 ірі сауда орнының іске қосылады. Солардың бірі қаладағы «АRAI CITY MALL» сауда орталығы.
Жалпы ауданы 31 462 шаршы метр болатын заманауи форматтағы кешенге 4,3 млрд. теңге инвестиция тартылған.
