ЖАЗАСЫН ӨТЕУШІЛЕРГЕ ПСИХОЛОГИЯЛЫҚ ТРЕНИНГ ҰЙЫМДАСТЫРЫЛДЫ
Қызылорда облысы ҚАЖ департаменті ЗК-169/5 мекемесінде кәмелетке толмағандарға қатысты сексуалдық сипаттағы күш көрсету қылмыстарын жасағаны үшін жаза мерзімін өтеуші азаматтарға «Адам өміріне денсаулықтың маңыздылығы» тақырыбы аясында семинар-тренинг өткізілді. Оны тәрбие жұмысын жүргізу бөлімінің психологиялық қамтамасыз ету тобының аға нұсқаушы психологы А.Жүсіпбеков пен маман психологы Ш.Кульбаеваның ұйымдастырды.
Тренингке ҚАЖ департаментінің санитарлық эпидемиолог маманы С.Кенжеғұлова және ЗК-169/1 мекемесінің психолог маманы Г.Жылқаманова мен мекеменің медицина бөлімінің бастығы Г.Асилова қатысты. Тренинг барысында «Дені саудың жаны сау» тақырыбы аясында және өмір сүру құндылықтары мен денсаулықтың маңыздылығы жөнінде баяндамалар оқылып, «Өмірге құштарлықты ояту» тренинг жаттығулары жүргізілді.
