«Атамекен» ауылының балаларын құттықтады
Kyzylorda-news.kz. 1 маусым - Халықаралық балаларды қорғау күніне орай Қызылорда облыстық Қазақстан халқы ассамблеясы Волонтерлік орталығының мүшелері «Атамекен» отбасылық үлгідегі балалар ауылының тәрбиеленушілерін мерекемен құттықтады.Волонтерлер «Атамекен» балалар ауылының аумағына карантиндік режимді сақтай отырып, балаларға арналған медициналық маскалар, антисептиктер және тәттілерді сыйға тартты.
Балалар мерекесіне орай қайырымдылық акциясына облыстық ҚХА Волонтерлер орталығының басшысы Ильдар Гафуров, «Қазақстандағы орыс қауымдастығы» республикалық қоғамдық бірлестігі Қызылорда филиалының жетекшісі Владимир Толоконников, «Жаңғыру жолы» жастар қозғалысының белсенділері, волонтерлер және «Dalatex» ЖШС-гі өз үлестерін қосты.
Өз кезегінде «Атамекен» отбасылық үлгідегі балалар ауылының директоры Лиза Скакова облыстық Қазақстан халқы ассамблеясының волонтерлеріне ризашылығын білдірді.
