Қызылордада өткен аптада суға кету фактісі тіркелген жоқ
Kyzylorda-news.kz. Жыл басынан бері елімізде 117 адам суға кеткен. Оның 35-і бала. Ал Қызылорда облысында 14 жағдай тіркеліп, 15 адам қайтыс болды. Қайғылы жағдайлар көбіне сақтық шараларын ескермей, ересектердің балаларды қараусыз қалдырғанынан орын алуда. Бұл туралы Өңірлік коммуникациялар қызметінің ақпарат алаңында облыстық ТЖД бастығының орынбасары Саид Молдақараев баяндады.«Облыс бойынша қайғылы оқиғаны болдырмау үшін, қауіпсіздікті сақтау бойынша күнделікті бекітілген кестеге сәйкес, дүйсенбі-жұма күндері 14.00-21.00-ге дейін жедел құтқару жасағы қызметкерлерімен, сенбі-жексенбі күндері ТЖД күшейтілген құрамымен рейдтік іс-шаралар ұйымдастырылуда. Жалпы аймақта 29 сәуір-19 маусым аралығында 197 рейд жүргізілді», - деді Саид Шазындаұлы.
Құрметті қызылордалықтар, су айдындарында барлық сақтық ережелерді сақтаңыздар! Су - тілсіз жау!
