Қызылордада мониторингтік топ құрылады
Kyzylorda-news.kz. Аймақта денсаулық сақтау субъектілерін дәрілік заттармен қамтамасыз ету мақсатында мониторингтік топ құрылады. Бұл туралы Өңірлік коммуникациялар қызметінің ақпарат алаңында өткен брифингте Қызылорда облысының Бас мемлекеттік санитариялық дәрігері Әлия Әбдіқайымова баяндады.«Фармацевтикалық қызметті жүзеге асыру бойынша коронавирустық инфекция және жедел респираторлы вирустық ауруының алдын алу және облыс тұрғындарының қауіпсіздігін қамтамасыз ету мақсатында қаулы қабылданып, бүгіннен бастап күшіне енеді. Яғни, мониторингтік топ дәріханалық ұйымдарда, амбулаториялық-емханалық көмек көрсететін медициналық ұйымдарда, инфекциялық, провизорлық және карантиндік стационарларда дәрілік заттардың болуын қадағалап, күн сайын мониторинг жүргізеді»,-деді Әлия Мүтәліпқызы.
Айта кетейік, дәрілік заттармен қамтамасыз ету мәселелері бойынша 8(7242)40-00-01 телефон нөмірі бірыңғай Call-орталық болып белгіленген.
