1 қыркүйекте Армения көліктерін тіркеу мерзімі аяқталады
Kyzylorda-news.kz. Бір апта уақыттан соң Қазақстан аумағында Армениядан әкелінген автокөліктерді тіркеу мерзімі аяқталады.Қызылорда облысы полиция департаментінің ақпараты бойынша 200-ден астам облыс тұрғыны көліктерін есепке қойып үлгерген. Оларға сары түсті мемлекеттік нөмірлер берілді.
Армениядан алып келген көліктерін 1 қыркүйекке дейін тіркеп үлгермегендер заңға сәйкес 10 айлық есептік көрсеткішке дейін айыппұл төлеуі мүмкін. Қазіргі таңда облыс бойынша сары түсті мемлекеттік нөмір тағу үшін тіркеуге жататын 60-қа жуық көлік қалған.
"Мұндай көлік құралдарын тіркеу мамандандырылған халыққа қызмет көрсету орталықтарында ағымдағы жылдың 1 қыркүйегіне дейін жүзеге асырылады. Осы ретте тіркеу жұмыстарының таяп қалғанын ескере отырып, Қызылорда облысы полиция департаменті Армения республикасынан әкелінген көлік құралдарын заңмен көзделген мерзімде тіркеп үлгерулеріңізді сұраймыз",- дейді облыстық полиция департаменті ӘПБ бастығы Нұрмахан Пазылов.
