Қазалыда трактор тіркемесіндегі шөп өртке оранды
Kyzylorda-news.kz. Қазалы ауданына қарасты Басықара ауылының маңында трактор тіркемесіндегі шөп өртеніп кеткен.Оқиға орнына жеткен өрт сөндірушілерБасықара ауылынан 2 шақырым жерде «Жалаңтөс батыр» ЖШС-нің Т-150 тракторының 2 тіркемесіндегі 46 дана орама шөп өртеніп жатқанын анықтайды. Көлемі 30 шаршы метр аумақты шарпыған өрт кезінде трактор тіркемесінің 8 дөңгелегі де жанып кеткен.
«Өрт 13 сағат 56 минутта оқшауланып, 14 сағат 19 минутта толық сөндірілді. Оған Қазалы ауданының №9 өрт сөндіру бөлімінен 1 өрт сөндіру автокөлігі және 4 жеке құрамы жұмылдырылды. Өрттің шығуы мен шығыны анықталуда», делінген ТЖД баспасөз қызметінің таратқан хабарламасында.
