Сыр Медиа

    Облыстық Қазақстан халқы ассамблеясының мүшелері Қорқыт ата атындағы Қызылорда мемлекеттік университетінде Елбасының Жолдауын талқылауға арналған кездесу өткізді.

    Оған «Қызылорда кәрістер қауымдастығы» облыстық филиалы төрайымының орынбасары Юрий Ким, облыстық ассамблея жанындағы ғылыми-сарапшылық топтың мүшесі, Қорқыт ата атындағы ҚМУ-нің «Информатика, есептеу техникасы және жүйелер» кафедрасының оқытушысы Әділжан Науан және оқу орнының оқытушылары мен студенттері қатысты.

    Кездесу барысында қатысушылар еліміздің қарқынды даму мүмкіндіктері, биылғы Жолдауда аталған 10 басым және маңызды бағыттардың жаңа заман талабына сай, елді дамытуға бағытталған қадамдар екендігіне тоқталды.

    Әсіресе, еліміздегі білім, индустрия, технология, өнеркәсіп кешені, көлік-логистика, инфрақұрылым, қоммуналдық құрылыс, заманауи технология, адами капитал, тиімді мемлекеттік басқару және тағысын тағы мәселелерді талқыға салды. Қатысушылар тарапынан сұрақтар қойылып, кездесу пікір алмасуға ұласты.