Сыр Медиа

    Қорқыт ата атыңдағы Қызылорда мемлекеттік университетінің базасында осы жылдың 6-9 ақпан күндері облыстық ішкі саясат басқармасының «Дін мәселелерін зерттеу орталығының» теолог-мамандарына «Деструктивті және террористік топ мүшелерінің тұлғалық-психологиялық ерекшеліктері» тақырыбында семинар-тренинг өтті. Семинар-тренингті психолология ғылымдарының кандидаты А.Аяғанов өткізді.

    Бүгінгі  таңда халықаралық терроризм мен діни экстремизм тек бір дінге, бір ұлтқа ғана емес, бүкіл адамзатқа залалын тигізуде. Семинар-тренингтің негізгі мақсаты да деструктивті ағым мүшелерін райынан қайтару мақсатында өткізілетін профилактикалық шара барысында қолданылатын әдіс-тәсілдерді меңгеру. Деструктивті діни ағымдардан жапа шеккен тұлғаларды қоғамдық өмірге бейімдеу болып табылады.