Қызылорда облысында жыл басынан бері 1203 ұрлық тіркелген
Kyzylorda-news.kz. Қызылорда облысында жыл басынан бері 1203 ұрлық қылмысы тіркеліп, 441-і ашылған. Ашылмай қалған қылмыстар бойынша жедел іздестіру жұмыстары жүргізілуде. Бұл туралы өңірлік коммуникациялар қызметінде өткен баспасөз мәслихатында белгілі болды.Қызылорда облысының ПД бастығының бірінші орынбасары полиция полковнигі Шамшидин Амитовтің айтуынша аталған санаттағы қылмыстардың болуының басты себебі тұрғындардың мүліктерін қараусыз қалдыруынан. Сондай-ақ ол мүлікті қорғау – мүлік иелерінің басты міндеттері екенін айтып, пәтерлерді пултьпен күзету қызметін пайдалану тиімді екенін ескертті.
«Ағымдағы жылдың 10 айында 214 мал ұрлығы тіркелді. Проблемалық мәселелердің бірі малдардың өрісте қолды болуы. Сондықтан, мал ұрлығының алдын-алу үшін пада ұйымдастырып, малдарды сырғалап, арнайы бақташымен немесе ұйымдасқан әдіспен бағуды және жайылымда жүрген малды қадағалауды жолға қою қажет деп санаймыз. Аумақ әкімдіктеріне ұсыныстар келтірілді», – дейді Қызылорда облысының ПД бастығының бірінші орынбасары полиция полковнигі Шамшидин Амитов.
