АРНАЙЫ МОНИТОРИНГТІК ТОП: ЖҰМЫС НӘТИЖЕСІ
Өңірлік коммуникациялар қызметінде Қазақстан Республикасының 2015-2025 жылдарға арналған сыбайлас жемқорлыққа қарсы Стратегиясын іске асыруды сыртқы талдау және бағалау жөніндегі арнайы мониторингтік топ баспасөз мәслихатын өткізді.
Жиын барысында топ төрайымы А.Ізден топтың жаңа құрамы туралы таныстырып, топтың 2017 жылы атқарған жұмыстары және алдағы уақытта атқарылатын мақсаттар мен міндеттер туралы баяндады.
Департамент басшысы А.Мухимов мемлекеттік органдар мен ұйымдар қызметінде сыбайлас жемқорлық тәуекелдерін анықтауда арнайы мониторингтік топтың қосқан үлесіне тоқталды. Оның айтуынша бүгінгі күнге дейін арнайы мониторингтік топ өзінің 2017 жылға бекітілген жұмыс жоспарына сәйкес 10 кездесу өткізіліп, 23 мәселе қаралған. Нәтижесінде 41 ұсыным беріліп, қазіргі таңда аталған ұсыныстар орындалуда.
Сондай-ақ, топ мүшесі Ғ.Едігеев кәсіпкерлік субъектілерінің қызметінде сыбайлас жемқорлық тәуекелдері бойынша талдау жүргізу маңыздылығын атап өтті.
