Жалағашта Рәміздер аллеясының құрылысы басталды
Kyzylorda-news.kz. Бүгін Жалағаш ауданының әкімі Асылбек Шаменов Рәміздер аллеясы орналасатын жерге барып, жер дайындау жұмыстарымен танысты.Мердігер мекеменің өкілдерімен кездесіп, құрылыс жұмыстарының сапалы әрі уақытында аяқталуын тапсырды.
Айта кетейік, Тәуелсіздіктің 30 жылдығына тарту ретінде Жалағаш кентіндегі Дәуімбай елді мекенінде, жабық бассейн құрылысының жанында Рәміздер аллеясы салынуда. Рәміздер аллеясының құрылысын 30 тамыз – ҚР Конституция күніне орай аяқтап, пайдалануға беріледі.
