Арал, Қазалы аудандарында Мемлекеттік рәміздер аллеясы ашылды
Өткен жылы Арал, Қазалы аудандарында Рәміздер аллеясы ашылды. Алдағы уақытта өзге аудандарда да ашылады деп күтілуде.
Бұл туралы бүгін Өңірлік коммуникациялар қызметінің ақпараттық алаңында өткен баспасөз конференциясында облыстық ішкі саясат басқармасының басшысы Талғат Маханов мәлімдеді, деп хабарлайды Kyzylorda-news.kz Өңірлік коммуникациялар қызметіне сілтеме жасап
«Мемлекеттік рәміздерді насихаттау бағытында Қызылорда қаласы мен аудан орталықтарындағы Мемлекеттік рәміздер аллеяларында түрлі патриоттық іс-шаралар, мемлекеттік қызметшілер мен әскери қызметкерлердің ант беру, жастарды әскерге шығарып салу рәсімдерін ұйымдастыру дәстүрге айналған. Бұл бағытта жыл ішінде барлығы 2761 шара өткізілді», - деді Т.Маханов.
Сондай-ақ, мемлекеттік рәміздерге байланысты орын алған кемшіліктерді тез арада жою мақсатында анықталған кемшіліктерді суретке түсіріп, салып отыратын «Whatsapp» әлеуметтік желісінде «Ramiz.kzo» чаты жұмыс жасап келеді. Оған үкіметтік емес ұйым өкілдері, БАҚ саласының қызметкерлері мен түрлі сала мамандары қамтылған. Аталған топтың басты мақсаты – мемлекеттік рәміздерді қолдануда жіберілген кемшіліктер талқыланып, мекеме басшыларына шұғыл түрде түзетуге ұсынылып отырады.
