Қызылордада алғаш рет «Қазан жартылай марафоны» өтті
Kyzylorda-news.kz. Қызылордада облыстық татар этномәдени бірлестігінің ұйымдастыруымен және өңірлік Қазақстан халқы Ассамблеясының қолдауымен «Қазан ұлттық жартылай марафоны – 2021» өтті.
Іс-шараға облыстық ішкі саясат басқармасының «Қоғамдық келісім» КММ директоры Болатбек Айтбенбетов, этномәдени бірлестіктердің өкілдері және қала тұрғындары қатысты.
Тәуелсіздіктің 30 жылдығы мен қала күніне орайластырылған бұл жарыс Қызылордада алғаш рет өткізіліп отыр.
Шараның алғы сөзінде «Қоғамдық келісім» КММ директоры Болатбек Айтбенбетов пен татар этномәдени бірлестігінің төрайымы Галия Гизатуллина барлық қатысушыларға сәттілік тіледі.
Марафонға 7-ден 85 жасқа дейінгі тұрғындар қатысты. Ерлер мен әйелдер арасында жас санаттары бойынша барлық жеңімпаздар мен жүлдегерлер дипломдармен, медальдармен және кубоктармен марапатталды.
