РУХАНИ ЖАҢҒЫРУ: ҚОҒАМДАҒЫ ОРТАҚ ҚҰНДЫЛЫҚ
Облыстық Қазақстан халқы ассамблеясының қолдауымен өзбек этномәдени бірлестігінің ұйымдастыруымен Оңтүстік Қазақстан облыстық өзбек драма театры қонаққа келді. Оған облыстық Қазақстан халқы ассамблеясының құрылымдары, этномәдени бірлестіктің жетекшілері мен белсенділері және БАҚ өкілдері қатысты. Қатысушылар театрдың орындауында «Өзбекше би» қойылымын тамашалады.
Қойылымда өзбек жігітін ұнатып, жақсы көріп қалған орыс қызының тағдыры туралы баяндалды. Өмірлік серігінің, енесінің мейірбандылығының арқасында барлық қиыншылықтарды жеңіп, салт-дәстүрлерін үйренеді. Қоғамда,ы ортақ құндылықтар жайлы қойылым көпшіліктің көңілінен шықты.
ҚР Тәуелсіздігінің 26 жылдығына арналған шарада Шымкент қаласынан келген өзбек драма театрының директоры Икрам Хашимжанов өңіріміздегі өзбек этномәдени бірлестігінің белсенді мүшелеріне Алғыс хат табыстады.
Шараның соңында қатысушылар концерт тамашалап, көңілді кеш сыйлаған Оңтүстік Қазақстан облыстық өзбек драма театрына алғысын білдірді.
