СУИЦИД НЕМЕСЕ ЖАНАЙҚАЙ
ҚР ІІМ ТЖК «Оңтүстік өңірлік аэроұтқыр жедел-құтқару жасағы" мемлекеттік мекемесінің базасында мекеменің бас құтқарушы психологы Ж.Бегманованың ұйымдастыруымен жасақтың жеке құрамына «Суицид немесе жанайқай» тақырыбында арнайы психолог маманының қатысуымен семинар өткізілді. Бұл туралы мекеменің баспасөз қызметі хабарлады.
Семинардың мақсаты - жеке құрам арасында өз-өзіне қол жұмсауды болдырмау және оның алдын- алу туралы түсінік беру.
Қызметкерлерге Қызылорда облыстық психикалық-жүйке ауруханасының психологы Гүлмира Ақтаева кеңес берді.
Психолог Гүлмира Ақтаева өз-өзін өлтірудің себептері мен оның алдын-алу жөнінде түсінік беріп, құтқарушылармен қойылған көкейтесті сұрақтарға өз тәжірибелерінен мысал келтіре отырып жауап берді.
Семинар соңында, жасақ қызметкерлері шақырылған қонаққа алғыс білдірді.
