ТӘУЕЛСІЗДІК – ТҰРАҚТЫЛЫҚ КЕПІЛІ
Елбасының «Болашаққа бағдар: Рухани жаңғыру» бағдарламалық мақаласына аясында «Оңтүстік өңірлік аэроұтқыр жедел құтқару жасағы» мемлекеттік мекемесінің жеке құрамында ел тәуелсіздігі күніне арналған жиналыс өткізілді.
Мерекеге орай баяндама жасаған жасақ басшысының орынбасары М.Доспенбетов елдегі тұрақтылық пен гүлдену, бейбітшілік пен ұлтаралық келісім бірліктің арқасы екендігін атап өтті. Ол сонымен қатар Елбасының «Болашаққа бағдар: Рухани жаңғыру» мақаласы әр ел азаматына абыройлы міндет жүктейтінін жеткізді.
Жиында кадр бөлімінің бас инспекторы С.Жақанова тәуелсіз Қазақстанның қалыптасуы мен дамуы жайлы хабарлама жасап, жасақ қызметкерлеріне Тәуелсіз Қазақстанның жетістіктері туралы деректі фильм көрсетілді.
