МЕРЕКЕ ҚАРСАҢЫНДА ҚАУІПСІЗДІК ПЕН ТӘРТІП КҮШЕЙТІЛЕДІ
Қазақстан Республикасы Ішкі істер министрлігінің нұсқауына сәйкес, Наурыз мейрамын мерекелеу қарсаңында облыс орталығындағы кримогендік ахуалды сейілту, құқық тәртібі мен жол қозғалысы қауіпсіздігін қамтамасыз ету шараларын кең көлемде жүргізу мен қылмыстың алдын алу үшін тәртіп сақшылары тынбай қызмет етеді. Сондай-ақ, орын алған қылмыстарды ашу, көшелер мен басқа да қоғамдық орындарда қылмыстарды ескерту және жолын кесу бағытында «Құқықтық тәртіп» жедел-профилактикалық іс-шарасын өткізу жоспарланып отыр.Қызылорда облысы ІІД баспасөз қызметінің хабарлауынша наурыз айының 15-17 күндері полиция қызметкерлерінің жұмыс барысы толықтай күшейтілген жүйеге көшірілмек. Облыстағы қоғамдық орындар, мәдениет ошақтары, көшелер мен тұрғын үй аулалары қатаң бақылауға алынып, қоғамдық қауіпсіздікті сақтау шаралары жүргізіледі.
